ORANJESTAD \u2013 Desde 27 januari 2023 empresarionan ta wordo invita pa participa na un encuesta digital. E meta di e encuesta ta pa obtene un mihor bista riba e factornan cu ta di influencia riba e seleccion y uzo di cierto tipo(nan) di contracto laboral pa e \u2018dunado di trabou\u2019.
E leynan laboral actual ta permiti uzo di diferente contracto.
Contracto laboral: un contracto entre e \u2018dunado di trabou\u2019 y e \u2018trahado\u2019 unda e \u2018trahado\u2019 ta den servicio di e \u2018dunado di trabou\u2019 contra pago di salario durante cierto oranan (articulo 7:610 Codigo Civil di Aruba)
Contracto di tuma trabou; un contracto entre un \u2018contratista\u2019 y un \u2018cliente\u2019 pa haci cierto trabou di indole material (p.e. construccion di un cas) cu lo wordo paga door di e \u2018cliente\u2019 sin cu tin un relacion laboral (articulo 7:750 Codigo Civil di Aruba)
Contracto di realisa cierto servicionan: un contracto entre un \u2018profesional\u2019 y un \u2018cliente\u2019 pa haci cierto trabou di indole intellectual como un servicio na e \u2018cliente\u2019 contra pago sin cu tin un relacion laboral (p.e. notario, abogado, consultant, accountant etc.) (articulo 7:400 Codigo Civil di Aruba).<\/p>\n\n\n\n
E investigacion ta enfoca su mes solamente riba e \u2018contracto laboral\u2019, ciendo e contracto abase di cual trabounan ta wordo realisa, cual por ta:
E contracto laboral pa tempo indefini (vast contract\/ contract voor onbepaalde tijd)
E contracto laboral pa tempo defini (tijdelijk contract\/ contract voor bepaalde tijd)
E contracto laboral entre un \u2018empleado temporal\u2019 y un \u2018agencia di empleo temporal\u2019 (uitzendovereenkomst)
Oproepcontract (p.e. nul-urencontract, min-maxcontract)
E contracto laboral ta un elemento essencial den un relacion laboral pasobra aki den e condicion nan di empleo mas importante entre e \u2018dunado di trabou\u2019 y e \u2018trahado\u2019 ta wordo stipula, manera p.e. e funcion di e empleado, e salario, e orario di trabou y e duracion di trabou. Den practica e tipo di contracto laboral mas comun ta e contracto pa tempo indefini.<\/p>\n\n\n\n
Bo participacion como empleador na e encuesta aki ta sumamente importante pa motibo cu e informacion cu ser ricibi lo contribui na un miho bista di e desaroyonan riba e mercado laboral.
Pa e motibo ariba menciona DAO lo aprecia bo participacion pa cu e investigacion. E duracion pa completa e encuesta ta entre 5 pa 10 minuut y DAO ta pidi bo persona pa haci esaki prome cu 27 di februari 2023.<\/p>\n\n\n\n
Pa participa na e encuesta por copia e link akibou y plak esaki den bo browser.<\/p>\n\n\n\n
Version Hulandes:
https:\/\/nl.surveymonkey.com\/r\/DAO2023<\/a><\/p>\n\n\n\n